Kəmalə Alıyeva
Gürcüstan Milli Statistika Xidmətinin açıqladığı ilkin məlumatlara əsasən, 2022-ci ilin yanvar-oktyabr aylarında ötən ilin müvafiq dövrü ilə müqayisədə xarici ticarət 33,5% artaraq 15,2 milyard dollar təşkil edib.
İndex.az Xidmətə istinadən xəbər verir ki, hesabat dövründə ixrac 34 faiz artaraq 4,5 milyard ABŞ dolları, idxal isə 33,3 faiz artaraq 10,7 milyard ABŞ dolları təşkil edib. Mənfi ticarət saldosu 6,1 milyard ABŞ dolları təşkil edib ki, bu da xarici ticarət dövriyyəsinin 40,3 faizini təşkil edir.
2022-ci ilin yanvar-oktyabr aylarında Türkiyə 2,3 milyard dollarla Gürcüstanın ən böyük ticarət tərəfdaşları siyahısına başçılıq edib. Türkiyənin ardınca Rusiya (1,9 milyard ABŞ dolları), Çin (1,5 milyard ABŞ dolları), Azərbaycan (1,1 milyard ABŞ dolları) və ABŞ (84 milyon ABŞ dolları) yer tutublar.
İxrac baxımından Çin 607,5 milyon ABŞ dolları ilə Gürcüstanın ən böyük ticarət tərəfdaşı olub. Növbəti yerlərdə Azərbaycan (541,7 milyon ABŞ dolları), Rusiya (530,3 milyon ABŞ dolları), Ermənistan (421,5 milyon ABŞ dolları) və Türkiyədir ( 379,2 milyon ABŞ dolları).
İdxal baxımından Gürcüstanın ən böyük ticarət tərəfdaşları Türkiyə (1,9 milyard dollar), Rusiya (1,4 milyard dollar), Çin (920,9 milyon dollar), ABŞ (725,3 milyon dollar) və Azərbaycandır (515,7 milyon dollar).
2022-ci ilin yanvar-oktyabr aylarında Gürcüstanın ən çox ixrac etdiyi mallar mis filizləri və konsentratları, minik avtomobilləri, ferroərintilər, azot gübrələri, təbii üzüm şərabları, alkoqollu içkilər, mineral və şirin sulardır.
Gürcüstanın ən çox idxal etdiyi mallar avtomobilləri, neft və neft məhsullarıdır.