Ermənilərin səfirliyimizə hücumu ilə bağlı Fransa XİN açıqlama verdi

Fransa Xarici İşlər Nazirliyi Azərbaycan Respublikasının Fransadakı səfirliyinə hücumla bağlı açıqlama yayıb.

İndex.az xəbər verir ki, açıqlamada belə hadisələrin qarşısının alınması üçün bütün tədbirlərin görüldüyü bildirilir:

“Parisdəki Azərbaycan səfirliyini hədəf alan qəbuledilməz insidentlərdən təəssüflənirik. Fransa hökumətinin səlahiyyətliləri səfirliyin təhlükəsizliyini bərpa etmək və normal fəaliyyət göstərməsi üçün bütün tədbirləri görüb. Belə hadisələrin bir daha təkrarlanmaması üçün ayıq-sayıqdırlar”.

Xatırladaq ki, sentyabrın 18-də bir qrup erməni Azərbaycanın Fransadakı səfirliyinə hücum edib, zorla səfirliyin inzibati binasına daxil olmağa çalışıb.