Kəmalə Alıyeva
Şadlıq saraylarına sifarişlərin sayında azalma, qiymətində isə artım müşahidə olunur.
Index.az “Xəzər Xəbər”ə istinadən xəbər verir ki yeni sezonda meynuların qiymətində yenidən artım gözlənilir. Buna səbəb kimi isə ərzaq məhsullarının qiyməti göstərilir.
Restoranlar arasında köhnə qiymətlə fəaliyyət göstərənlər də var. Lakin onlar hesab edir ki, bahalaşma davam edərsə menyu qiymətlərini dəyişəcəklər. Araşdırma zamanı məlum oldu ki, 30-35 manata təklif edilən menyular indi 40 manatdan başlayır. İnzibatçılar qeyd edib ki, qiymət artımı ilə yanaşı cəmiyyətdə yaranan qapanma qorxusu da sifariş sayına təsir edib.
Qeyd edək ki, iqtisadi və sosial inkişaf mərkəzindən bildirilib ki, avqust ayında şadlıq saraylarında sifarişlərin sayı 74 faiz azalıb. Yeni mövsüm üçün təklif edilən menyulara əsasən isə qiymətlərdə 9-11 faiz artım var. Sentyabrın sonuna doğru isə daha da yüksək qiymət artımları gözlənilir.