Üç tikinti şirkətinin sahibi sakinlərə “qan uddurur”

Bank sektoru üzrə ekspert Əkrəm Həsənov tikinti firmalarının rəhbəri Zeynalov Novruz İslam oğlu haqda məlumat yayıb.

İndex.az xəbər verir ki, o, “Bakinkom” MTK, “Xəzərə mənzərə” MTK, “Komfort Yaşam” MMC və s. tikinti şirkətlərinin faktiki sahibidir. Onun sözlərinə görə, bəzən şəriki kimi qızı Nigar da çıxış edir.

Şirkətlərə formal rəhbərliyi isə Rüstəmov Babək Baxış oğlu adlı əlaltısı həyata keçirir. Ə.Həsənov deyir ki, həmin şəxs tikdiyi binalarda qanunsuzluq, özbaşınalıq edir, sakinlərin haqları kobud şəkildə pozulur.

Xatırladaq ki, Prezident Administrasiyasının müvafiq şöbəsi vətəndaşların ən çox şikayət etdiyi tikinti şirkətlərinin siyahısını açıqlayarkən “Bakinkom” MTK da orada yer alırdı.