“Amazon” “TikTok”u almaq üçün təklif verib

“Amazon” məşhur video paylaşma platforması “TikTok”u almaq üçün sürpriz təklif edib.

İndex.az xəbər verir ki, “Amazon”un son dəqiqə təklifi ABŞ Prezidenti Donald Trampın tətbiqi satmaq və ya ölkədə qadağan etmək qərarını həyata keçirmək üçün təyin etdiyi 5 aprel tarixi yaxınlaşdıqca gəlir.

“The New York Times” qəzetinin yazdığına görə, “Amazon”un təklifi vitse-prezident JD Vance və ticarət naziri Howard Lutnickə ünvanlanmış məktubda çatdırılıb. Lakin məsələyə yaxın mənbələr “Amazon”un təklifinin digər təkliflər qədər güclü olmadığını iddia edirdilər…

Prezident Tramp yaxın günlərdə “TikTok”un gələcəyini aydınlaşdırmaq üçün rəsmilərlə görüşəcək. Bu prosesdə diqqət çəkən ən güclü təkliflərdən biri ABŞ-ın vençur kapitalı şirkəti Andreessen Horowitzin daxil olduğu “Oracle”ın rəhbərlik etdiyi investisiya qrupu tərəfindən edilib. “Financial Times”a görə, bu qrup “TikTok”a investisiya etmək üçün danışıqları davam etdirir.