Bu texnologiya “Alzheimer” xəstəliyini 10 il əvvəl aşkar edəcək

“Alzheimer”, şübhəsiz ki, bu gün ən çətin xəstəliklərdən biridir. Təəssüf ki, bu xəstəliyin ən pis tərəflərindən biri də mürəkkəb və bahalı üsullarla diaqnoz qoyulmasıdır. Məhz buna görə də vaxtından əvvəl “Alzheimer” xəstələrinə diaqnoz qoymaq mümkün deyil.

İndex.az xəbər verir ki, alimlər virtual reallığa əsaslanan testlər sayəsində xəstəliyin ilkin əlamətlərini aşkar etməyin yolunu tapıblar. Tədqiqatçılar, “Alzheimer” xəstəliyinin beyində yaratdığı zülal toplanmasının məkan yaddaşına və naviqasiya bacarıqlarına mənfi təsir göstərdiyini aşkar ediblər.

İştirakçıların virtual evdə obyektlərin yerini yadda saxlamağa çalışdıqları xüsusi VR sistemi hazırlanıb. Test nəticələri yaddaş performansı ilə “Alzheimer” xəstəliyini göstərən zülal səviyyələri arasında birbaşa əlaqə olduğunu göstərdi.

“Gənclər və yaşlı insanlar arasında cisimlərin yerini xatırlamaq qabiliyyətində əhəmiyyətli fərqlər gördük” deyən tədqiqatçılar və bu üsulla “Alzheimer” xəstəliyini simptomlar göstərmədən əvvəl aşkarlaya biləcəyini iddia edirlər. Mütəxəssislər bildirirlər ki, “Apple Vision Pro”ya bənzər VR eynəkləri ilə aparılan sınaqlar yaxın gələcəkdə hətta evdə də aparıla bilər.