“Instagram”da yenilik: Rəqəmsal vizit kartlar istifadəyə veriləcək

“Instagram”, istifadəçilərə hesab məlumatlarını daha effektiv şəkildə paylaşmağa imkan verəcək rəqəmsal profil vizit kartı funksiyasını istifadəyə verəcək.

İndex.az xəbər verir ki, tezliklə hər kəs üçün aktivləşdiriləcək profil kartları “Instagram” profillərindəki “Profili paylaş” bölməsində yerləşir.

İstifadəçi özünü daha yaxşı ifadə etmək üçün profil kartının fonunu seçdiyi şəkillə fərdiləşdirə bilər.

“Instagram” bu funksiyanı yeni insanlarla əlaqə saxlamaq və dostluq etmək üçün daha asan yol kimi görür.