“Microsoft”da olan problemli funksiya “iPhone 16″da da olacaq

“Apple” gözlənilən “iPhone 16” seriyasını təqdim edib.

İndex.az xəbər verir ki, “Apple Intelligence”in yeni xüsusiyyəti “Microsoft”un mübahisəli “Windows Recall” funksiyasına qəribə bir şəkildə bənzəyir.

“Apple”in qlobal marketinq üzrə baş vitse-prezidenti Qreq Jozviak bildirib ki, əgər vacib detalı tez tapmaq lazımdırsa, lakin onun harada paylaşıldığını xatırlaya bilmirsinizsə, “Siri” axtardığınız məlumatı tez tapmaq üçün şəxsi semantik indeksinizdən istifadə edəcək.

Bununla belə, Jozviak bu funksiyanın necə işləyəcəyi, hansı proqramlara uyğun olacağı və ya axtarışın nə qədər geriyə aparıla biləcəyi barədə təfərrüatları açıqlamayıb.