“Tesla” 8 ildir ki, bir qrup müştərinin “Model 3” sifarişlərini çatdırmayıb!

Elektrikli avtomobil nəhəngi “Tesla”nın Hindistan bazarına daxil olmaq planları səkkiz il keçməsinə baxmayaraq hələ də qeyri-müəyyən olaraq qalır.

İndex.az xəbər verir ki, 2016-cı ildə şirkətin baş direktoru İlon Mask hindli müştəriləri “Tesla Model 3″ü əvvəlcədən sifariş etməyə təşviq etdi. Lakin uzun müddət keçməsinə baxmayaraq, məlum olub ki, bu sifarişlər hələ də çatdırılmayıb.

“Tesla”nın Hindistan bazarına girərkən qarşılaşdığı əsas çətinliklər yüksək idxal vergiləri və yerli istehsal müəssisəsinin yaradılması zərurətidir.

Şirkət bu yüksək vergilərə görə Hindistanda avtomobillərin çox baha olacağından narahat olduğu üçün 8 il ərzində avtomobili ölkəyə gətirə bilmədi. Bundan əlavə, istehsalın Çindən Hindistana daşınması ilə bağlı çətinliklər şirkətin qərarına təsir göstərə bilər.

“Tesla”nın Hindistan macərasının gələcəyi hələ də qeyri-müəyyən görünür. Şirkət qlobal satışlarda ciddi azalma yaşasa da, onun yeni məhsulu “Cybertruck”un ABŞ-dan kənarda bazar tapa bilməyəcəyi ilə bağlı narahatlıqlar var.