“Tesla” Çində kapot probleminin həllini axtarır

ABŞ-ın elektrikli avtomobil istehsalçısı “Tesla”nın kapotun kilidindəki təhlükəsizlik problemi səbəbindən Çində istehsal etdiyi əksər avtomobillərə proqram yeniləməsi gətirəcəyi bildirilib.

İndex.az xəbər verir ki, Bazarın Tənzimlənməsi üzrə Dövlət Administrasiyasının çərşənbə axşamı yaydığı geri çağırma bildirişində qeyd olunub ki, kapotun kilid problemi avtomobil hərəkətdə olarkən kapotun tamamilə açılmasına səbəb ola bilər və bu, qəza riskini artırır.

Digər tərəfdən, avtomobil istehsalçısının 2020-ci ilin oktyabr-iyul ayları arasında istehsal edilən 1,6 milyondan çox “Model S”, “Model X”, “Model 3” və “Model Y” avtomobillərinə havadan proqram təminatını paylayacağı bildirilib.