Kəmalə Alıyeva
“Forbes” jurnalının “Dünyanın ən zəngin adamları” siyahısı yenilənib. Siyahıda sərvət itkisi ilə reytinqdəki dəyişikliklər diqqət çəkib.
İndex.az dünyanın ən zəngin 10 adını təqdim edir:
Siyahının başında olan İlon Mask real vaxt məlumatlarına görə 5,2 milyard dollar itirsə də, 226,9 milyard dollarla birinci yerdədir.
Ceff Bezos yenidən ikinci yerə yüksəlib və 15 milyard dollar itirməsinə baxmayaraq, 187,1 milyard dollar sərvətə malikdir.
Siyahıda ilk pillədən 3-cü yerə düşən “lüks kralı” Bernard Arno sərvəti 173,3 milyard dollara enərək siyahıda yer alıb.
“Meta”nın yaradıcısı Mark Zukerberq isə 4-cü yerini qoruyub.
Larri Ellison da son günlər itkilərə məruz qalsa da, sərvətini təxminən 20 milyard dollar artırmış kimi görünür.
Larri Peyc son günlərdə 3,2 milyard dollar itirdiyi halda, təxminən 20 milyard dollarlıq sərvət artımı ilə 10-cu yerdən 6-cı yerə yüksəlir.
93 yaşlı məşhur investor Uorren Baffet 6-cı yerdən 7-ci yerə düşüb.
Sergey Brin də “Google” tərəfdaşı Larri Peyc kimi 11-ci yerdən 8-ci yerə yüksəlir.
Bill Qeyts 7-ci yerdən 9-cu yerə düşsə də, onun sərvəti təxminən 2 milyard dollar artıb.
Stiv Balmer reytinqdə 8-dən 10-a düşsə də, 121 milyard dollarlıq sərvətini qoruyub saxlamış kimi görünür.
