Kamala Harris 24 saat ərzində 81 milyon dollar ianə toplayıb

Noyabrın 5-də ABŞ-da keçiriləcək prezident seçkilərində Demokratların prezidentliyə namizədliyinə ən yaxın şəxs olan Kamala Harris rekord səviyyədə ianə toplayıb.

İndex.az xəbər verir ki, Harrisin komandasının verdiyi açıqlamaya görə, Bayden onu prezidentliyə namizəd göstərdikdən sonra son 24 saat ərzində Harrisə 81 milyon dollar bağışlanıb.

ABŞ mətbuatında yer alan xəbərlərə görə, sözügedən rəqəm 24 saat ərzində çatılan ən yüksək ianə məbləği olaraq qeyd edildi.

ABŞ-da prezident seçkiləri zamanı toplanan ianələrin miqdarı və donorların sayı seçkinin nəticələri haqqında təsəvvür yaratmaq üçün diqqətlə izlənilir.

Onun Respublikaçı rəqibi Donald Tramp Nyu-Yorkda səssiz pul davasında qərar elan edildikdən sonra 24 saat ərzində 50 milyon dollardan çox ianə toplayıb.