Sabiq nazirin oğlu İngiltərədə biznesini qurub - FOTO

Sabiq nazirin oğlu İngiltərədə biznesini qurub - FOTO

img



Sabiq iqtisadi inkişaf naziri Heydər Babayevin oğlu Emin Babayev İngiltərənin Uels əyalətində böyük bir meşəlik ərazini alaraq ekoturizm sektorunda da öz biznesini qurub.

“İndex” xəbər verir ki, bunu araşdırmaçı jurnalist Cavanşir Həsənli öz facebook səhifəsində paylaşıb.

O bildirib ki, əyalətin kiçik Llanwrtyd qəsəbəsində Victoria Road yolu üstündəki VİCTORİA WELLS LOG CABİN MOTEL ucsuz-bucaqsız ormanlıq sahənin şərq qurtaracağında meşə turizmi həvəskarlarının diqqətini çəkən məkanlardandır. Təsisata otel və çoxaylı kotteclər daxildir.

“Kompleks Emin Babayevin 2018-ci il noyabrın 6 da Britaniyada qeydiyyatdan keçirdiyi MEAT AND GREET LIMITED şirkəti üzərindən idarə olunur. Şirkət kompleksin yerləşdiyi ünvanda (Victoria Wells Cabins, Victoria Wells Forest Cabins, Victoria Road, Llanwrtyd Wells, Powys, United Kingdom, LD5 4SY) 11661629 saylı lisenziya ilə qeydiyyata alınıb”.

C. Həsənlinin sözlərinə görə, bundan əvvəl turizm kompleksi VİCTORİA WELLS SPA adı ilə fəaliyyət göstərib. 2015-2017-ci illərdə "VİCTORİA WELLS"i keçmiş nazirin oğlunun digər şirkəti - CASPIAN DRAGON CYF idarə edib. Adı "XƏZƏR ƏJDAHASI" anlmına gələn və 2015-ci ilin avqustunda qeydiyyatdan keçmiş şirkətin sənədlərində təsisçinin Azərbaycan vətəndaşı, bankir, 1982-ci il təvəllüdlü Emin Babayev olduğu qeyd edilir.

Emin Babayev poker həvəskarıdır və Londonda kazinolarda poker oyunlarının aktik iştirakçısıdır. Ən yüksək udduğu məbləğ 2018-ci ildə Londonda keçirilən poker oyununda 37,705 dollar olub.

Babayevlərin Avropadakı digər ailə şirkəti - MERCURY EUROPE HOLDİNQS 2011-ci ildən Lüksemburqda fəaliyyət göstərir. Şirkətə Heydər Babayevin həyat yoldaşı Aliyə Babayeva rəhbərlik edir.

Babayevlər Azərbaycanda "AB Standard" holdinqinin sahibidirlər. Holdinqə "Bank Standard", "Standard İnsurance", "AB Legal Consulting Group", "Standard Lizinq", "Standard Capital" şirkətləri, "Dərnəgül boru zavodu" və "Lənkəran Mehmanxana" daxildir.