Almaniya kansleri Fridrix Merz (CDU) İsrailin xaric ediləcəyi təqdirdə Almaniyanın Eurovision Mahnı Müsabiqəsində iştirak etməyəcəyini açıqlayıb.

İndex.az xəbər verir ki, Merz bu barədə dünən axşam ARD-nin "Caren Miosga" proqramında bildirib. Kansler Almaniyanın bu işdə könüllü iştirakından imtina edəcəyini bəyan edib.

HƏMAS-ın 1200-dən çox insanın ölümünə və 250-dən çoxunun qaçırılmasına səbəb olan hücumundan sonra İsrailin Qəzza zolağında apardığı müharibə beynəlxalq tənqidlərə səbəb olub.

Qəzza Səhiyyə Nazirliyinin məlumatına görə, müharibənin qızışmasından sonra Qəzzada 65 mindən çox fələstinli həyatını itirib. Bu rəqəm İsrail Ordusunun keçmiş Baş Qərargah rəisi Herzi Halevinin sentyabrın ortalarında İsraildə etdiyi çıxışda açıqladığı rəqəmə bənzəyir.