Deputat: “Bu gün gəlirlərimiz 35 milyard manat civarındadır”

Bu gün Azərbaycanın əldə etdiyi iqtisadi uğurlar və ərazi bütövlüyümüzün bərpası Heydər Əliyevin adı ilə bağlıdır.

İndex.az xəbər verir ki, bunu Milli Məclisin bu gün keçirilən plenar iclasında deputat Vüqar Bayramov deyib.

Onun sözlərinə görə, Heydər Əliyev yenidən hakimiyyətə gələndə Azərbaycanın ümumi daxili məhsul istehsalı 375 milyon manat olub: “2002-ci ildə isə Azərbaycan iqtisadiyyatı 6,1 milyard manata qədər yüksəlib. Büdcə gəlirlərimiz 100 milyon manat idisə, bu gün gəlirlərimiz 35 milyard manat civarındadır”.

O qeyd edib ki, bütün bunlar Heydər Əliyevin rəhbərliyi ilə aparılan iqtisadi islahatların nəticəsidir.